Vil du verte faddder for eit barn på The David School ( klikk på teksta)

   

Rotarymarsjen 2018

 
Volda Rotary har dei siste åra lagt ned ein stor innsats i å leggje til rette for turar i nærområda i Volda. Det er bygd grindløde og gapahukar på tre av dei mest sentrale utfartspunkta i bygda (Klepp, Prestesætra og Heltnelida), og det er laga bru og rydda ny sti over Heltneelva.
 
-Det er veldig kjekt for oss i klubben å sjå kor mange som registrerer seg i bøkene som er lagt ut på gapahukane. Dei er i dagleg bruk, og folk som besøker dei er flinke til å rydde og leggje til rette for dei som kjem etterpå. I desse dagar har vi utvida tilbodet, og det er blant anna laga til fleire benkar og sitjeplassar, seier president Jo Stian Tverberg i Volda Rotary. 
Volda Rotary arrangerte i 2016 Nic Engesets Minnemarsj i samband med Verdas Poliodag. Klubben inviterte då bygdefolket ut på årets viktigaste tur, og fekk samla inn over 10 000 kroner til Rotary sitt viktige arbeid for å stanse utbreiinga av sjukdomen. Nic Engeset var i alle år primus motor for klubben sitt arbeid med gapahukar og stirydding. Nic var i heile sitt liv oppteken av å bruke og verne om naturen. Ingen var betre kjend langs gamle stiar og vegar i området ovanfor sentrum, og han hadde stor glede av at desse vart leita fram, rydda og merka.
-Vi i klubben hadde stor glede av å arrangere minnemarsjen for to år sidan. Vi fekk vise fram arbeidet vi har lagt ned, og fekk også sjansen til å fortelje om Rotary sitt arbeid lokalt og internasjonalt. Vi har difor bestemt oss for å arrangere Rotarymarsjen 2018 den siste søndagen i mai. Det blir som sist gong ein dag der de vil treffe medlemmar i klubben på Prestesætra og Heltnelihuken. Dei som registrerer seg og betalar inn eit støttebeløp på Vipps vil også vere med på trekkinga av fine premiar.
 
I 2016 hadde Rotary også god påmelding til eit trimløp som gjekk same dagen som minnemarsjen. Her følgjer deltakarane ei rundløype på vel 11 km med start og mål på Prestesætra. Det blir også skogsløp denne søndagen, og Rotary har fått med seg Volda i Vinden som medarrangør. Det er oppretta arrangement på Facebook for både Rotarymarsjen 2018 og Nic Engesets minneløp, og der vil det kome fleire detaljar fram mot søndagen.
 
-Vi håper sjølvsagt at så mange som mogleg legg turen til gapahukane søndag 27. mai. Då blir det bålkaffi og godt høve til prat om korleis vi saman skal utvikle desse turmåla vidare, avsluttar Jo Stian Tverberg.                                                                            










 

Sosiale medier

Møteinformasjon

Møtested: Volda Turisthotell
Adresse: Skjervavegen 17
Postnummer: 61002
Sted: Volda
Land: NO
Møtedag: Tirsdag
Møtetid: 19:30:00
Møtespråk: no

Les mer



rotary lenker

Nyheter fra
rotary INTERNATIONAL:

Loading RSS...

NORFO - Rotary RSS

Loading RSS...

District - Rotary RSS

Loading RSS...